Зокирова Гулфирос Вакилжон қизи


1957
Йўналишлар: Фан, Педагогика

Зокирова Гулфирос Вакилжон қизи1992 йил 2 январь Фарғона вилояти Қўқон шаҳрида зиёли оилада туғилган. 1999 йилда Қўқон шаҳар ХТБга қарашли 35-мактабга ўқишга кириб, 2009 йилда тамомлади. 2009 йилда Қўқон давлат педагогика институтининг кимё факультетига ўқишга давлат гранти асосида қабул қилинди.   

Қўқон давлат педагогика институти кимё таълими йўналиши 3- босқич талабаси Зокирова Гулфирос Вакилжон қизи 2012-2013 ўқув йилида Улуғбек номидаги давлат стипендианти бўлди.  

Талабалик даврининг илк кунлариданоқ илм сирларини астойдил ўрганишга киришди. Берилган топшириқ ва вазифаларни аъло даражада бажарди. Унинг қобилият ва имкониятлари мураккаб тузилишли бирикмаларни номлашда Патерсон ва Ганч-Видман системаларининг қўлланилиши бўйича берилган топшириқларни бажаришда намоён бўлди. У ўзбек тилида бу системалардан фойдаланишнинг ўзига хос томонларини ишлаб чиқди. Ўзбек кимё атамашунослигида кимёвий номенклатуранинг қўлланилишини катта қизиқиш билан ўрганиши натижасида тўплаган манбаларини умумлаштириб бир тизимга келтирди ва ўқув жараёни учун зарур бўлган “Кимёвий бирикмалар номенклатураси (Ноорганик бирикмалар)” ўқув қўлланмасини тайёрлаб, нашр эттиришга эришди.  

У яна Тошкент кимё технологиялари институтида бўлиб ўтган халқаро конференцияда “Выделение и фракцианирование концентрата азотистых оснований из нефти” мавзусидаги мақола билан қатнашди.  

“Ёш тадқиқотчи – муаммо ва ечимлар” илмий-услубий мақолалар тўпламида “Исследование аппаратуры и материалов элюентной колоночной жодкостно-адсорбционной хроматографии (для азотистых оснований)” номли мақоласи, “Илм, фан тараққиёт интеграцияси” илмий-услубий мақолалар тўпламида “Кимёвий номенклатура ва унинг ўзбек атамашунослигида қўлланилишига оид мулоҳазалар” номли мақоласи, ”Таълим ва технология” ўқув-услубий мақолалар тўпламида “Ароматик бирикмаларни номлашда Патерсон системасидан фойдаланиш методикаси” мақоласи ва “Кимё таълими самарадорлигини ошириш омиллари” мавзусидаги Республика илмий-амалий анжуманининг тезислар тўламида “Гетеро халқали бирикмаларни номлашда Ганч-Видманнинг кенгайтирилган системасининг қўлланилиши” номли мақолалари чоп этилди.  

Ҳозирги кунда Қўқон давлат педагогика институтига кимё йўналиши бўйича магистратурасига қабул қилинди.  

Хато тўғрисида маълум қилиш Транслит