Хўжаев Шоҳжаҳон Акмалжон ўғли


2400

Ўзбекистон Республикаси Президенти давлат стипендиясининг “Ҳуқуқ ва халқаро муносабатлар” йўналиши бўйича совриндори Хўжаев Шоҳжаҳон Акмалжон ўғли 1993 йил 29 декабрь Фарғона вилояти Қўқон шаҳрида таваллуд топди. Болалик чоғидан ҳуқуқшунос бўлишни истаган Ш.ХўжаевТошкент давлат юридик университетига қабул қилинди.
У “Ўзбекистон Республикаси Конституцияси – ижтимоий ва иқтисодий ҳуқуқларнинг акс этиши”, “Ўзбекистон Республикасида хусусий мулкни ҳимоя қилишнинг ҳуқуқий асослари”, “Англосаксон жиноят ҳуқуқининг тизими ҳақида”, “Сиёсий партиялар – фуқаролик жамиятининг асосий институти”, “Ўзбекистон ҳуқуқий тизимида халқаро хусусий ҳуқуқнинг ривожланиши аҳамияти ва истиқболлари”, “Ижтимоий тармоқларнинг ёшлар онгига салбий таъсири” номли мақолалар ҳамда “Ёшларнинг ахборот хавфсизлиги”, “Ўзбекистон Республикасида сиёсий партияларнинг ҳуқуқий ҳолати” номли рисолалар муаллифи саналади.2012 йилда Ўзбекистон Миллий кутубхонасида “Мустаҳкам оила” йилига бағишланган, “Infolib 2012” ҳафталиги доирасида ўтказилган “Оила ва ҳуқуқ” мавзусидаги семинар-тренингни ўтказганлиги учун Юнусобод тумани хокимлиги ва кутубхона маъмурияти томонидан фаҳрий ёрлиқ билан тақдирланган. 2013 йилда “Камолот” ЁИҲ томонидан ўтказилган “Ўзбекистон Республикаси Конституцияси – мамлакат тараққиёти ва жамият фаровонлигининг кафолати” мавзусидаги тарғибот-ташвиқот ишларини самарали ташкил этишдаги кўмаги учун “Камолот” ЁИҲ фахрий ёрлиқ билан мукофотланган. Бундан ташқари, 2013 йилда Ўзбекистон Республикаси “Камолот” ЁИҲ ҳамда Олий ва ўрта махсус таълим вазирлиги томонидан ташкил қилинган “Тафаккур синовлари” кўрик-танловининг дастлабки ва ҳудудий босқичида биринчи ўринни ва республика босқичида фахрли иккинчи ўринни эгаллаган.

Хато тўғрисида маълум қилиш Транслит