Убайдуллаева Моҳисадаф Суннатилла қизи


3061

Шайхонтоҳур туманидаги 13-мактабда таълим олган

Ўзбекистон давлат санъат ва маданият институти

Кино, телевидение ва радио санъати факультети

Саҳна ва экран санъати драматургияси бўлимида таҳсил олмоқда

Алишер Навоий номли Давлат стипендианти

Таржимаи ҳол

Мен – Убайдуллаева Моҳисадаф Суннатилла қизи 1993 йил 20-март куни Тошкент шаҳрида туғилганман. 2008 йил Шайхонтоҳур туманидаги

13-сонли мактабни битириб, Чилонзор туманидаги 2-Тошкент юридик коллежига ўқишга кирдим. Ҳозир Ўзбекистон давлат санъат ва маданият институтининг “Саҳна ва экран санъати драматургияси” бўлими талабасиман.

Отам – Комилов Суннатилла Убайдуллаевич, нафақахўр. Онам – Комилова Мавлуда Арифовна, Ўзбекистон Миллий боғининг бадиий раҳбари. Укам – Убайдуллаев Қудратилла Суннатилла ўғли, Тошкент алоқа коллежини тамомлаган.

2004 йил “Янги авлод” болалар ижодиёти фестивалида назм йўналишида совриндор бўлдим. Мактаб ва туман миқёсида ўтказилган фан олимпиадалари ғолибиман. 2008 йил она тили ва адабиёт фанидан ўтказилган фан олимпиадасида туман босқичида 3-ўринни эгалладим. Мухтор Ашрафий номли 7-сон болалар мусиқа ва санъат мактабининг 2008 йил дутор чолғуси йўналишида “Энг намунали ўқувчи” сифатида тамомладим. Шу йили туман миқёсида ўтказилган “Қизлар давраси” кўрик-танловида биринчиликни қўлга киритдим. 2008 йил ўтказилган “Иқтидорли ўқувчи” кўрик-танловининг санъат йўналиши бўйича фахрий ёрлиқ билан, Камолот ЁИҲ қошидаги “Сардорлар мактаби” томонидан “Олтин диплом” билан тақдирланганман. Коллежда ўтказилган тадбирларда, жумладан “Юлдузлар”, “Ёш ҳуқуқшунос”, “Қувноқлар даврасида” каби тадбирларда фаол иштирок этдим. 2013 йилда Тошкент шаҳар ҳокимияти ҳамда БМТнинг Аҳолишунослик жамғармаси ҳамкорлигида ташкил этилган семинар-тренингда иштирок этиб, сертификат қўлга киритдим. Шундан сўнг, 26 мингдан ортиқёшларни “Ораста ёшлар” гуруҳларига бирлаштира олганим ва Республика жамоат ишларида фаоллигим туфайли, Ўзбекистон Республикаси Бош вазирининг ўринбосари, Хотин-қизлар қўмитаси раиси Элмира Боситхонованинг “Ташаккурнома”сига сазовор бўлдим. 2013 йил октябр ойида Ўзбекистон Ёзувчилар уюшмасининг “Дўрмон” ижод уйида ўтказилган “Истеъдод мактаби” V Республика ёш ижодкорлар семинари иштирокчиси бўлдим ва сертификат қўлга киритдим. 2014 йил ўтказилган “Юксак бадиий интеллектуал салоҳиятга эга бўлган ёшлар тарбиясининг долзарб муаммолари” илмий-назарий, амалий конференциясида “Соғлом бола шаклланишида халқ оғзаки ижодининг ўрни” мавзусида ва 2015 йил ўтказилган “Юксак бадиий ва интеллектуал салохиятли ёшлар тарбиясининг долзарб муаммолари” илмий-назарий, амалий конференциясида “Болалар драматургиясининг бугунги куни” мавзусида иштирок этиб энг яхши маърузам учун фахрий ёрлиқлар билан тақдирландим. Нукус давлат университети ва Республикамиздаги олий таълим муассасалари талабалари иштирокидаги “Глобаллашув жараёни ва оммавий ахборот воситаларининг фаолияти” номли конференцияда “Саҳна асарларининг тарғиботида оммавий ахборот воситаларининг ўрни” мавзусидаги мақолам билан иштирок этдим.Институт томонидан нашр этилган “Ёшлар ижодида Ватан туйғуси”, “Иқтидорли талабаларнинг илмий мақолалари тўплами” ва “Юксак бадиий ва интеллектуал салохиятли ёшлар тарбиясининг долзарб муаммолари”номли тўпламларда ҳам ўз мақолаларим билан иштирок этдим. “Туркистон”, “Тонг юлдузи”, “Ижодий парвоз”, “Адолат кўзгуси” каби газеталар, “Ёшлар ижоди”, “Театр” ва Ёшлик” журналларида ва fikr.uz интернет сайтида мақола ва ижодий ишларим эълон қилиниб турилади. Ўзбекистон Ёзувчилар уюшмасининг “Драматургия” семинари ҳамда “Онажоним шеърият” тўгаракларида мунтазам иштирок этаман. Назм, наср ва драматургия жанрларида ижодий машқларим ҳам мавжуд. Жумладан, “Кумуш туйғулар” номли шеърий тўпламим нашр қилинган. Институт талабалари томонидан сценарийим асосида “Бунёдкор халқ”, “Ирригация ва мелиорация институти” номли ҳужжатли фильмлар суратга олинган. “Зумраша” болалар тележурнали учун ёзган “Конфет” ва “Бизники” номли қисқа метражли фильм сценарийларим ҳозирда агентлик кенгашининг эътиборида. Дебют-2014 Республика театр фестивалида “Зафар” номли комедиям билан иштирок этиб диплом билан тақдирланганман. “Ўзбектеатр” ижодий ишлаб чиқариш бирлашмаси ва “Ўзбеккино” миллий агентлиги билан мунтазам алоқа қилиб тураман. 2015 йил Алишер Навоий номли Давлат стипендианти бўлдим.

Ҳозир битирув малакавий ишим юзасидан ёш томошабинлар учун пъеса ёзиш билан шуғулланмоқдаман.

Хато тўғрисида маълум қилиш Транслит