Шавкатов Наврузбек Шавкатович


1809
Йўналишлар: Иқтисод

Фамилия, исм-шарифи: Шавкатов Наврузбек Шавкатович

Туғилган йили, куни ва жойи: 1993 йил 1 апрель  Қашқадарё вилояти Чироқчи тумани Наймансарой қишлоғида туғилган. 

Таҳсил олган/олаётган олий таълим муассасаси: Қарши муҳандислик иқтисодиёт институти

Фаолият йўналиши: Иқтисодиёт факультети, “Молия” йўналиши

Эришган натижалари:

2014 йил ХХI-Аср интеллектуал авлод асри шиори остидаги Қашқадарё ва Сурхондарё вилоятларида ҳудудий илмий-амалий анжуман иштирокчиси.  Ҳудудий босқич 2-ўрин, 2-даражали диплом билан тақдирланган.

2014 йил “ХХI-Аср интеллектуал авлод асри шиори остидаги илмий-амалий анжуманининг “Ижтимоий-гуманитар” фанлар йўналишида Республика босқичи иштирокчиси. 

2015 йил Навоий номидаги давлат стипендианти совриндори.

Таржимаи ҳол:

Шавкатов Навузбек Шавкатович 1993 йил 1 апрелда Қашқадарё вилоятининг Чироқчи туманида зиёли оиласида туғилган, миллати ўзбек. 

Болалигидан билимга чанқоқ, қизиқувчан, интилувчан ва ўз устида ишлашга ҳаракат қиларди.

2000 йил Қашқадарё вилоятининг Чироқчи туманидаги 8-сон умумий ўрта таълим мактабининг 1–синфига қабул қилинди. Мактабда таҳсил олиш даврида илмга чанқоқлиги, намунали хулқи, илм-фан соҳасидаги янгиликларга қизиқиши билан устозларининг ҳурмат-эътиборига сазовор бўлди. Мактабда ўқиш давомида математика, физика, она тили-адабиёт фанлари бўйича ўтказилган фан олимпиадаларининг вилоят босқичларида фаол иштирок этиб, фахрли ўринларни эгаллашга муяссар бўлди. Шунингдек, мазкур даргоҳда ўтказилган турли хил маънавий ва маърифий тадбирларда фаол иштирок этиб, устозлари ва тенгдошлари олқишларига сазовор бўлди.

2012 йилда Қарши муҳандислик иқтисодиёт институти Иқтисодиёт факультети 5230600 - “Молия” йўналишига давлат гранти асосида ўқишга қабул қилинди. Институтдаги ўқиш ва жамоат ишларида фаол иштирок этиб, барча фанларни аъло даражада ўзлаштиришга муваффақ бўлмоқда. Таълим олиш пайтида ўқитиш жараёнини мукаммал ўрганиш мақсадида устозларим билан интерфаол усулларда дарс ўтишни бу орқали ўзининг билимларини янада мустаҳкамлашга эътибор қаратди. Институтда таълим олиши билан бир қаторда, “Камолот” ЁИҲ томонидан ташкил этилаётган турли тадбир ва танловларда ҳам фаол иштирок этмоқда. 2014 йил 6-7 июнь кунларида ўтказилган Ўзбекистон Республикаси Олий ва ўрта махсус таълим вазирлиги, Ўзбекистон Республикасининг “Истеъдод” жамғармаси, Ўзбекистон Республикаси Фанлар академияси, Ўзбекистон Республикаси Вазирлар Маҳкамаси ҳузуридаги Фан ва технологияларни ривожлантиришни мувофиқлаштириш қўмитаси, Ўзбекистон “Камолот” ёшлар ижтимоий ҳаракати, ҚМИИ ва Қашқадарё вилоят ҳокимлиги билан ҳамкорликда ташкил этилган Қашқадарё ва Сурхондарё вилоятлари ёш олимлар ва талабалари иштирокидаги ҳудудий илмий-амалий анжуманида “Importance of foreign investments in our republic” мавзусида қилган илмий маърузаси билан иккинчи даражали диплом билан тақдирланди ва республика босқичига йўлланма берилди. Шунингдек, 2014 йил 20-21 ноябрь кунлари Ўзбекистон Республикаси Олий ва ўрта махсус таълим вазирлиги, Ўзбекистон Республикасининг “Истеъдод” жамғармаси, Ўзбекистон Республикаси Фанлар академияси, Ўзбекистон Республикаси Вазирлар Маҳкамаси ҳузуридаги Фан ва технологияларни ривожлантиришни мувофиқлаштириш қўмитаси, Ўзбекистон “Камолот” ёшлар ижтимоий ҳаракати, Бухоро вилоят ҳокимлиги билан ҳамкорликда ташкил этилган ёш олимлар ва талабаларнинг “XXI аср – интеллектуал авлод асри” шиори остидаги республика илмий-амалий анжуманида иштирок етиб, сертификат билан тақдирланди.

У ўз соҳасининг сир-асрорларини ўрганиш мақсадида доимо изланишда, устозлари ишончини оқлашда бор билими ва куч- қудрати билан ҳаракат қилмоқда. Бўш вақтларида спортнинг футбол, стол тениси, шахмат турлари билан шуғулланади. Тил ва компьютер билимларини янада мустаҳкамлаб, инглиз тилини ўрганишнинг энг юқори даражасига етишишни ўз олдига мақсад қилган.Ҳаётдаги шиори:“ Интилганга толе ёр”.

Келажакда ўз олдига қўйган энг олий мақсади – молия ва банк соҳасида тўлиқ ва мукаммал билимли, чет тилларида эркин сўзлаша оладиган ва юрт тараққиётини янада юксак даражаларга кўтара оладиган баркамол шахс бўлиб етишишдир.

Хато тўғрисида маълум қилиш Транслит