Ғаниев Сохиб Баҳодир ўғли


1537
Йўналишлар: Мусиқа

Ғаниев Сохиб Баҳодир ўғли 9 октябр 1996 йил Тошкент шаҳрида туғилган. 2008 йили Фарғона туманидаги 44-сонли умумтаълим мактабининг4-синфини муваффақиятли битирди. Шу йили Р.Глиэр номидаги РИМАЛицейнинг ўзбек халқ чолғулари бўлими доира мутахассислиги бўйича ўқитувчи Ж.Мирсолиев синфига қабул қилинди.

Ў ўзининг хулқи, одоби билан ва берилган вазифаларни ўз вақтида бажариши туфайли ўз тенгдошлари орасида ҳурмат қозониб келмоқда. Доира сирларини қисқа давр ичида яхши ўзлаштириб олди, бунга сабаб унинг ниҳоятда меҳнатсеварлиги, тиришқоқлиги қолаверса ўзига ўта талабчанлигидир.

Шу ўқув йиллар давомида лицейда бўлиб ўтган барча тадбирларда муваффақиятли иштирок этиб келмоқда.

Лицейнинг ўзбек халқ чолғулари оркестри таркибида Радио ва телеведение орқали бир неча бор чиқишлар қилди.

2014 йил март ойида “Фаррух Мирусмонов” номидаги ёш созандаларнингI танловида I даражали диплом билан тақдирланди.

2015 йил 3-9 июн кунлари Тошкент шаҳрида бўлиб ўтган ўрта махсус мусиқа ва санъат ўқув юртлари Ёш ижрочиларининг XXIII Республика танловида II даражали диплом билан тақдирланди.

2015 йил 3-7 ноябр кунлари Россиянинг Санкт-Петербург шаҳрида бўлиб ўтган “Серебряный камертон” номли Х-Xалқаро танловида Iдаражали диплом билан тақдирланди.

Хато тўғрисида маълум қилиш Транслит