Абдурасулов Шоҳруҳ Абдунаимович


2187
Йўналишлар: Фан

2013-2014 ўқув йили учун Ўзбекистон Республикаси Президентининг Давлат стипендиялари танловининг бакалавриат йўналиши бўйича ғолиби бўлди.

1991 йил 27 августда Тошкент вилояти Бекобод туманида туғилган.

Ҳозирги кунда Шоҳруҳ Абдурасулов Ўзбекистон давлат санъат ва маданият институти "Санъатшунослик журналистикаси" бўлими 4-курс талабаси.

Шоҳруҳ Абдурасулов санъатшунослик соҳаси бўйича республика ва институт миқёсидаги илмий-амалий анжуманлар, конференциялар, маънавий-маърифий тадбирлар ва кўрик-танловларда мунтазам иштирок этиб, юксак муваффақиятларга сазовор бўлиб келмоқда. "Ўзбекистон адабиёти ва санъати", "Маърифат", "Тошкент оқшоми", "Туркистон" каби газеталарда, "Театр", "Жаҳон адабиёти", "Ёшлик", "Гулистон" журналларида санъатшуносликка оид таҳлилий мақолалари билан иштирок этиб келади. Қолаверса, Республика миқёсида ўтказиладиган маънавий, илмий тадбирларни матбуотда, интернет сайтларида тарғиб қилишда фаол қатнашиб келмоқда.

Институт миқёсида ўтказилган "Юксак бадиий ва интеллектуал салоҳиятга эга бўлган ёшлар тарбиясининг долзарб муаммолари" мавзусидаги "Энг яхши эссе" танловида, "Тафаккур синовлари" Республика кўрик-танловида, "Таълим ва илм бирлиги: экран, эфир, интернет маданияти" мавзусидаги илмий-амалий ҳамда Ўзбекистон Бадиий академияси, Камолиддин Беҳзод номидаги Миллий рассомлик ва дизайн институтида ўтказилган "Бадиий ижод муаммолари - ёшлар талқинида" номли конференцияларда фаол иштирок этган.

Хато тўғрисида маълум қилиш Транслит