Дадажонова Мадинабону Одилжон қизи


3410
Йўналишлар: Фан, Педагогика, Фалсафа

 Дадажонова Мадинабону Одилжон қизи 1991 йил 29 октябрь Фарғона вилояти Қўқон шаҳрида зиёли оилада туғилган. 1997 йилда Қўқон шаҳар ХТБга қарашли 23-мактабга ўқишга кириб, 2008 йилда тамомлади. 2008 йилда Қўқон давлат педагогика институтининг педагогика факультетига ўқишга давлат гранти асосида қабул қилинди.  

Қўқон давлат педагогика институти Педагогика факультети Мактабгача таълим ва болалар спорти таълим йўналиши 4-курс талабаси Мадинабону Дадажонова Одилжон қизи 2011-2012 ўқув йилида Навоий номидаги давлат стипендианти бўлди.  

У институтда ўқишнинг биринчи йилидаёқ ўзининг ташкилотчилиги, илмга чанқоқлиги, ўқишга, топширилган вазифага масъулиятлилиги билан талабаларга ўрнак бўлди. Фанларни юқори кўрсаткичларда ўзлаштириши билан бирга жамоат ишларида ҳам фаол иштирок этади.  

Мадинабону Дадажонованинг илмий мақолалари турли нуфузли илмий тўпламларда, Республика илмий-амалий конференцияси тўпламида чоп этилган. Унинг “Ёшларда эътиқод ва соғлом дунёқарашни шакллантиришнинг ижтимоий-психологик муаммолари”, “Мактаб психологининг касбий тайёргарлиги ва ўқувчилар билан бирга олиб бориладиган ишлар”, “Бошланғич синф ўқувчиларида мустақил индивидуал ўқув ҳаракатларини шакллантириш”, “Шахслараро низоларнинг психологик муаммолари”, “Талабалар илмий-ижодий фаолиятини шакллантиришнинг педагогик-психологик муаммолари”, “Тарбияси қийин болалар билан ишлашда амалий психологнинг асосий фаолият турлари”, “Баркамол шахс тараққиётида амалиётчи психолог ўрни”, “Талабаларни ўйин фаолияти билан қизиқтириш”, “Мактабгача таълим ёшидаги болалар билан спорт ўйинларини ташкил этиш услубиёти” каби илмий мақолалари чоп этилган.  

2012-2014 йиллар давомида Қўқон давлат педагогика институтида магистратурани ўқиди. Ҳозирги кунда Қўқон педагогика касб-ҳунар коллежида БТМфани ўқитувчиси лавозимида фаолият кўрсатмоқда.  

Хато тўғрисида маълум қилиш Транслит