Насурлаев Ильдар Ренатович


2193
Йўналишлар: Информатика

 Насурлаев Ильдар Ренатович 1992 йил 21 мартда Гурлан туманида туғилган.

1999–2008 йилларда Гурлан туманидаги 2-сон мактабда таҳсил олган. 2008 йили мактабни яхши ва аъло баҳоларга тугатиб, УрДу қошидаги 2-сон академик лицейга ўқишга қабул қилинган. 2011 йили ушбу лицейни тугатган. 2013 йили ТАТУ Урганч филиалининг “Компьютер инжиниринги” факультетининг “Телекоммуникация технологиялари” йўналишига ўқишга қабул қилинди. 2013 йилдан буён, ТАТУ Урганч филиалининг “Компьютер инжиниринг” факультетининг “Телекоммуникация технологиялари” йўналишида таҳсил олиб келяпти

ТАТУ Урганч филиалига ўқишга кирганидан кейин филиал ёш дастурчилари олимпиадачилари сафига қабул қилиниб, жамоа билан дастурлаш бўйича жаҳон олимпиадаларида мунтазам қатнашиб, юқори ўринларни эгаллаб келмоқда.

Спортнинг баскетбол ва шахмат турларига қизиқади. Бўш вақтида ўзбек тили, рус тили ёки инглиз тилларида китобларни мутолаа қилади ва инглиз тилида мустақил равишда қизиққан дарсликларни ўрганиб бормоқда.

Бундан ташқари, янги дастурларни яратиш, чет тилларини ўрганишга, компьютерларнинг техник таъминотини ўрганишга, телекоммуникация технологияларининг замонавий йўналишларидан телемедицина (нанороботлар, нанокомпьютерлар орқали касалликларни даволаш ва касалликларни олдини олиш) логистикага қизиқади.

Эришган натижалари:

  • 2014 йил 8 ноябрь кунида Дастурлаш бўйича ACM ICPC(2014-2015) халқаро олимпиадаси чорак финалида қатнашиб, сертификат билан тақдирланди.
  • 2016 йил 12-13 март кунлари ўтказилган умумхалқ хайрия ҳашарга ёшларни жалб қилиш хамда хайрия тадбирларини ўтказишда фаол иштирок қилгани учун Фахрий ёрлиқ билан тақдирланди.
  • 2016 йил O’zLiDep “Хавфсиз интернет” лойиҳаси доирасидаги тадбирда фаол иштироки ва мазкур йўналишда олиб бораётган илмий изланишлари учун “Ташаккурнома” билан тақдирланди.
  • 2016 йил 14-15 апрель кунлари Тошкент ахбарот технологиялари университетида ўтказилган “The second student’s scientific and practical conference" üIntellectual Generation of Uzbekistan” фаол иштирок этгани учун “Сертификат” билан тақдирланди.
  • 2016 йил май ойида ўтказилган “Юрт келажаги” танловининг шаҳар босқичида иштирок этиб диплом билан тақдирланди ва вилоят босқичига йулланма олди.
  • 2016 йил июнь ойида ўтказилган “Юрт келажаги” танловининг вилоят босқичида иштирок этиб диплом билан тақдирланди ва республика босқичига йулланма олди.
  • 2016 йил июль ойида Тошкент шаҳрида ўтказилган “Талабалар интернет ҳаракати” иштирок этиб сертификат ва диплом билан тақдирланди.
  • 2016 йил август ойида Қарши вилояти Лочин оромгохида ўтказилган “Юрт келажаги” танловининг республика босқичида иштирок этиб сертификат билан тақдирланди.
  • 2017 йил 6 январдаги Тошкент ахборот технологиялари университети ректорининг 9-сонли буйруғига асосан “Ўзбекистон Республикаси радиотехника, электроника ва алоқа илмий-техника жамият стипендияси”га сазовор бўлди.
Хато тўғрисида маълум қилиш Транслит